уят

1. Ўз қилмиши, ноўрин хатти-ҳаракатидан хижолатлик ҳисси; номус.

Бетамизда бет бўлмас, Безорида уят бўлмас. — Мақол

Кўнглида уйғонган қўрқувми, уятми — аллақандай тушуниб бўлмас бир туйғудан ранги ўчиб кетганини ўзи ҳам сезиб, Анварга зимдан қараб қўйди. — Ў. Ҳошимов, Қалбингга қулоқ сол

[Ёʻлчи:] Андак инсоф, уят керак. Чолнинг меҳнатда чириган кўксига бигизни санчаверманг! — Ойбек, Танланган асарлар

Уятни йиғиштириб қўйиб, Замираларникига телефон қилди. — Ў. Умарбеков, Ёз ёмғири

2. Ахлоқ-одоб, таомил талабига тўғри келмайдиган, унга зид иш, хатти-ҳаракат ва шу кабилар

Санам хола ишқ-муҳаббатни қаттиқ уят ҳисоблар эди. — П. Қодиров, Қора кўзлар

Ё ўғлинг сартарош бўлса, уяласанми? Дунёда ғарлик уят, ўғирлик уят! — Э. Раимов, Ажаб қишлоқ

3. Уят бўладиган, уятли.

Ўтган хотинга гап ташлайди, уят гапларни гапиради. — Чўлпон, Кеча ва кундуз

Ҳисобчи уят сўз айтиб, оёғини кўтарди-ю, тепмади. — С. Сиёев, Ёруғлик

4. Уятли иш, хатти-ҳаракат, ҳолат кабиларни алоҳида таъкидлаш, қайд этиш учун қўлланади.

Дудуқланма, буйруқ бажарилдими, ёʻқми? Уят! — И. Раҳим, Чин муҳаббат

Соқолингизда битта ҳам қора тук ёʻқ-ку, ёлғон гапирасиз, уят! — Ойбек, Танланган асарлар

погов. стыд, позор

уят эмасми? не стыдно ли?

уят ўлимдан қаттиқ позор хуже (страшнее) смерти

н shame, disgrace

• уятга қолмоқ disgrace oneself

сизга уят shame on you!

uyat, ar-namıs, ádep

Ўзининг ноўрин хатти-ҳаракатини англаб ўта хижолат бўлиш.AYIP, UTANÇ, HAYA

Scham f, Schande f