Синхрон таржима терминларининг изоҳли луғати
-
– Матн. 1. Матн нутқий-лисоний иерархияси даражаларининг мантиқий тугал, мавзу ва услуб жиҳатдан бир бутун тузилган ва семантик жиҳатдан уюшган бирликларнинг жами. 2. “Матн” – воқеликдаги нарса (предмет) ва ҳодисаларни умумлаштирилган шаклда акс эттирувчи фикр демакдир. 3. Нутқ фаолиятининг маҳсули. 4. Нутқ оқимида алоҳида шакллантирилган жумлаларнинг маъно ва таркиб-оҳанг жиҳатдан бирикуви. 5. Нутқий асар (ёзма ёки оғзаки), шакл, мазмун ва ифода воситаларининг бирлиги. 6. Матн – объектив равишда ёзилган ҳужжат шаклидаги тугалланган асар, сарлавҳага эга, турли лексик, грамматик, мантиқий, услубий муносабатлар асосида бирлашган ёзув. 7. Воқеликни англаш жараёнида ҳам, тўғридан-тўғри ёки билвосита мулоқот жараёнида юзага келадиган инсоннинг нутқ ва тафаккур билан боғлиқ фаолияти. 8. Оғзаки ёки ёзма нутқ асари. 9. Мазмун, шакл ва ифода воситаларининг яхлитлигидан иборат тузилма. 10. График ёки товушли тил белгиларининг ягона мақсадни кўзлаган ҳар қандай кетма-кетлиги.
Мақоладаги хато ҳақида хабар бериш
