saroy

Oʻzbeklar tarkibiga kirgan yirik qabilalar uyushmasi.

Saroylarning tarkibida bir qancha kichik va katta qabilalar boʻlgan. — OʻzME

1. tar. Xon, amir, podshohlarning doimiy qarorgohi boʻlib xizmat qilgan hashamatli katta bino; koshona.

Podsho uni hashamatli saroyga chaqirtiribdi. — Oltin beshik

Buxoro amirining saroyidan bor-yoʻgʻi oʻn-oʻn ikki chaqirimlar chamasi uzoqlikdagi gʻarbi-janubdan oʻtadigan temir yoʻl stansiyasi — Kogonda koʻrsatilmoqda edi bu tomosha. — K. Yashin, Hamza

2. koʻchma Saroydagi davlat boshqaruvi; hokimiyat, saltanat.

Nizomiddin nega saltanatga dushman boʻlarkan? U hali boʻz yigit, saroy oldida katta obroʻga ega boʻlgan meʼmorning farzandi. — Mirmuhsin, Meʼmor

U Xudoybergan ogʻaning xon saroyiga yaqinligini biladi. — S. Siyoyev, Yorugʻlik

3. koʻchma Saroyga aloqador, saroyda yashovchi, xizmat qiluvchi.

Saroy shoiri. Saroy aʼyonlari.

Roʻza tutish shoh-u malayga barobar kelgan majburiyat boʻlgani uchun, surnay va naqora saroy ahlini saharlikka uygʻotmoqda. — P. Qodirov, Yulduzli tunlar

Oʻtar boboning otasi Gadoyniyoz bobo ham xon tabibi edi, saroy odamlaridan hisoblanardi. — S. Siyoyev, Yorugʻlik

4. Umuman, istiqomat qilish yoki biror ijtimoiy faoliyat uchun moʻljallab, zamonaviy meʼmorlik uslublarida qurilgan hashamatli katta bino va majmualar.

Sport saroyi. Madaniyat saroyi.

Goh suyunib, xayolida oltin saroylar quradi, goh kuyunib, oʻzini tubsiz choh yoqasida koʻradi. — M. Ismoiliy, Fargʻona tong otguncha

Haqiqiy sanʼat saroyi singari qad koʻtargan koʻrkam klub binosining oldi shinam bogʻ. — J. Abdullaxonov, Oriyat

5. Karvonlar, savdogarlar qoʻnadigan, mehmonxonali, hovli va otxonali joy; karvonsaroy, rabot.

Mehmonmisiz, tarafmisiz, aytinglar, Savdogar boʻlsangiz, saroyda yotinglar — Gulnorpari

[Otabek:] Molimizni ortgan tuyakashlar shu saroyga tayinlangan edilar. — A. Qodiriy, Oʻtgan kunlar

6. Omborxona, ombor.

Gʻalla saroyi.

Bizning Qalandar boy kuzda kambagʻallarning paxtasini arzon-arzon sotib olib, saroyiga bosib qoʻyadi. — M. Ismoiliy, Fargʻona tong otguncha

7. s. t. Bostirma yoki toʻrt devor bilan oʻralgan keng bino.

Mollarni saroyga qamamoq.

1. дворец, замок

2. постоялый двор

3. сарай, склад

qorong‘i saroyda buzoq shiqirlab og‘zidan ko‘pik sochadi в тёмном сарае телёнок расшумелся, и белая пена изо рта его валит (Мельница)

n 1. palace, castle

2. store room, storage room

Xon, amir, podshohlarning doimiy istiqomatgohi va qarorgohi boʻlib xizmat qilgan hashamatli katta bino.SARAY

Palast m

ruschaдворец, замок, сарай, складinglizchapalace, castle, shed, storefransuzchapalais, sérail, bûcher, grange à foinarabchaقَصْرٌ (قُصُورٌ)