сарой

Ўзбеклар таркибига кирган йирик қабилалар уюшмаси.

Саройларнинг таркибида бир қанча кичик ва катта қабилалар бўлган. — Ўзме

1. тар. Хон, амир, подшоҳларнинг доимий қароргоҳи бўлиб хизмат қилган ҳашаматли катта бино; кошона.

Подшо уни ҳашаматли саройга чақиртирибди. — Олтин бешик

Бухоро амирининг саройидан бор-ёʻғи ўн-ўн икки чақиримлар чамаси узоқликдаги ғарби-жанубдан ўтадиган темир ёʻл стансияси — Когонда кўрсатилмоқда эди бу томоша. — К. Яшин, Ҳамза

2. кўчма Саройдаги давлат бошқаруви; ҳокимият, салтанат.

Низомиддин нега салтанатга душман бўларкан? У ҳали бўз йигит, сарой олдида катта обрўга эга бўлган меъморнинг фарзанди. — Мирмуҳсин, Меъмор

У Худойберган оғанинг хон саройига яқинлигини билади. — С. Сиёев, Ёруғлик

3. кўчма Саройга алоқадор, саройда яшовчи, хизмат қилувчи.

Сарой шоири. Сарой аъёнлари.

Рўза тутиш шоҳ-у малайга баробар келган мажбурият бўлгани учун, сурнай ва нақора сарой аҳлини саҳарликка уйғотмоқда. — П. Қодиров, Юлдузли тунлар

Ўтар бобонинг отаси Гадойниёз бобо ҳам хон табиби эди, сарой одамларидан ҳисобланарди. — С. Сиёев, Ёруғлик

4. Умуман, истиқомат қилиш ёки бирор ижтимоий фаолият учун мўлжаллаб, замонавий меъморлик услубларида қурилган ҳашаматли катта бино ва мажмуалар.

Спорт саройи. Маданият саройи.

Гоҳ суюниб, хаёлида олтин саройлар қуради, гоҳ куюниб, ўзини тубсиз чоҳ ёқасида кўради. — М. Исмоилий, Фарғона тонг отгунча

Ҳақиқий санъат саройи сингари қад кўтарган кўркам клуб биносининг олди шинам боғ. — Ж. Абдуллахонов, Орият

5. Карвонлар, савдогарлар қўнадиган, меҳмонхонали, ҳовли ва отхонали жой; карвонсарой, работ.

Меҳмонмисиз, тарафмисиз, айтинглар, Савдогар бўлсангиз, саройда ётинглар — Гулнорпари

[Отабек:] Молимизни ортган туякашлар шу саройга тайинланган эдилар. — А. Қодирий, Ўтган кунлар

6. Омборхона, омбор.

Ғалла саройи.

Бизнинг Қаландар бой кузда камбағалларнинг пахтасини арзон-арзон сотиб олиб, саройига босиб қўяди. — М. Исмоилий, Фарғона тонг отгунча

7. с. т. Бостирма ёки тўрт девор билан ўралган кенг бино.

Молларни саройга қамамоқ.

1. дворец, замок

2. постоялый двор

3. сарай, склад

қоронғи саройда бузоқ шиқирлаб оғзидан кўпик сочади в тёмном сарае телёнок расшумелся, и белая пена изо рта его валит (Мельница)

н 1. palace, castle

2. store room, storage room

Хон, амир, подшоҳларнинг доимий истиқоматгоҳи ва қароргоҳи бўлиб хизмат қилган ҳашаматли катта бино.SARAY

Palast m

русчадворец, замок, сарай, складинглизчаpalace, castle, shed, storeфрансузчаpalais, sérail, bûcher, grange à foinарабчаقَصْرٌ (قُصُورٌ)