yigit

1. Jinsiy va jismoniy jihatdan voyaga yetgan erkak.

Ularning biri yigirma yoshlardagi qotma, xipcha yigit edi. — I. Rahim, Chin muhabbat

2. Umuman, yosh erkak, yosh kishi.

Mana shu yerda MTS tashkil qilindi-yu, bunga oʻsha paxta zavodida ishlaydigan bir yigit kattakon boʻlib keldi. — A. Qahhor, Qoʻshchinor chiroqlari

3. koʻchma Er kishi, jasur odam, mard.

Yigit soʻzidan qaytmas, arslon — izidan. — Maqol

Er yigit boshiga ish tushganda sinalar. — Maqol

Yigitning moli yerda. — Maqol

4. s. t. (egalik qoʻshimchasi bilan) Qizning koʻngil qoʻygan kishisi, sevgilisi.

Hoy, menga qara, seningcha, yigiti bor qiz birov bilan gaplashmaydimi? — Shuhrat, Shinelli yillar

5. Biror harbiy toʻdaga, guruhga mansub boʻlgan erkak kishi.

Oradan uch-toʻrt daqiqa oʻtgandan keyin, Kamolon tarafidan bir yuz chamalik sarkarda va yigitlari bilan Azizbek koʻrindi. — A. Qodiriy, Oʻtgan kunlar

6. Oʻziga nisbatan yoshi kichik kishiga murojaat qilishda qoʻllanadi.

Yigit, bu yoʻl qayoqqa olib boradi?

Hay, oʻt yigit, haligi soʻzlaring oltinga arziydi — Oybek, Tanlangan asarlar

молодой человек, юноша, парень

yigit kishiga yetmish hunar oz молодцу и семидесяти ремёсел мало

n youth, fellow, lad, chap, brave young man

1. jigit

2. awıs. márt, batıl

Жинсий ва жисмоний жиҳатдан вояга етган эркак киши.DELİKANLI, GENÇ, YİĞİT

Junge m, junger Mann