шарпа

1. Қулоққа чалинар-чалинмас товуш.

Тошпўлатов пояндоз солинган узун коридордан бамайлихотир кириб борар экан, оёқ шарпасини эшитиб, ичкаридан Хосият хола чиқиб келди. — Р. Файзий, Чўлга баҳор келди

Коридордан эшитилган ҳар бир шарпага сергакланиб қулоқ солар эди. — П. Қодиров, Уч илдиз

2. Кимса ёки нарсанинг ғира-шира, билинар-билинмас қораси, ифодаси; шундай соя.

Ҳалиги фонарнинг хирагина нури тушиб турган тош ёнида бир шарпа қимирлади. — А. Мухтор, Туғилиш

Анҳорнинг тўғонлари олдида одамларнинг хира шарпалари уймалашар — Ҳ. Назир, Сўнмас чақмоқлар

Отабек кетига бурилиб, ташқари ёʻлакдан киргувчи дадаси билан Ҳасанали шарпасини олди ва ўйланиб тўхтади. — А. Қодирий, Ўтган кунлар

3. кўчма Далолат берувчи сезилар-сезилмас ифода; белги, аломат.

Шу пайт юрагим мудҳиш бир нарсанинг шарпасини сезгандай бўлди. — Гулдаста

Гўзал баҳорнинг шарпаси ер ва кўкда, гул ва япроқда, ўт-ўланларда кезар эди. — Н. Сафаров, Қайта туғилиш

Ўртада адоватнинг хира шарпаси пайдо бўлгандек туюлди. — Ф. Мусажонов, Ҳиммат

4. Ялтироқ нарса (масалан, кўзгу) орқали бирор жойга тушган шуъла, нур акси.

Шипда шарпа ўйнай бошлади.

Анорхоннинг сариқ ва кўк рўмолларигина шом қорасида шарпадай милтилларди. — Ойбек, Олтин водийдан шабадалар

1. шорох, шелест

2. силуэт, отражение, призрак

н 1. faint, indistinct sound

2. shadow

1. emeski dawıs (biliner-bilinbes)

2. súlder, eles, saǵım

4. belgi, nıshan

4. sáwle.

1. Билинар-билинмас эшитилган овоз.HIŞIRTI

2. Бирор кимса ёки нарсанинг ғира-шира, билинар-билинмас бўлиб кўринган гавдаси, қораси; соя.GÖLGE

Widerschein m, Silhouette [-lu-´etə] f