sarxush

1. Kayfi bor, shirakayf; kayfli.

— Oyoqlarim ham qaltiray boshladi, koʻchada sarxush odamlarday borardim, — dedi Kamoliddin. — T. Jalolov, Oltin qafas

Bir kech ziyofatdan sarxushroq boʻlib qaytdim. — Sh. Xolmirzayev, Ogʻir tosh koʻchsa

Otabek sarxush tovush bilan jiddiygina qilib [mashshoqqa] javob berdi: — Bilsangiz, haydalish kuyini chalingiz, ajralish kuyini chalingiz! — A. Qodiriy, Oʻtgan kunlar

2. koʻchma Biror narsadan kuchli taʼsirlanib zavqlangan, kayf qilgan; oʻta baxti-yor; masrur.

Men sizni sevaman yalpizlar atri, Qushchalarning sarxush sayrogʻi bilan. — X. Davron, Tungi bogʻlar

Boʻsa meni ayladi sarxush, Oʻynab turib sochingning uchin, Yengil tortdim goʻyoki bir qush. — Uygʻun

a a drunk, intoxicated

keyipli, keypi bar, más

↑ angetrunken, angeheitert