қандай — луғат мақоласи

Изоҳли луғат

қандай

1. сўр. олм. Белги, сифат, хусусият ҳақидаги сўроқни билдиради; қанақа?

Бу қандай китоб? Қандай овқатни хоҳлайсиз? У қандай иш билан банд?

[Ёрмат:] Қандай беда денг, боғи қучоққа сиғмайди. — Ойбек, Танланган асарлар

Айт-чи ўзинг, Зарифа, ахир кеча қандай туш кўрдинг? — А. Қодирий, Меҳробдан чаён

2. Сўроқ гаплардан трансформацияланган гаплар таркибида сўроқ англатмай, фақат нисбий белгини билдиради.

Куёв учун қандай кийим ярашмоғи ҳам баҳс қилинар. — А. Қодирий, Ўтган кунлар

Капитан жангчиларни ном-баном чақириб, ким қандай қуролни ўрганмоқчи эканини сўради. — А. Қаҳҳор, Олтин юлдуз

Э, онажонгинам, қани энди сен ҳам шу ерда тирик бўлсанг-у, ўз ўғлингнинг қандай одам бўлганини кўрсанг. — П. Турсун, Ўқитувчи

3. Махсус оҳанг ёрдамида белги-даражани кучайтириб ифодалайди; нақадар.

Ҳаёт қандай гўзал!

Оҳ, инсонга таъзим қилиш, қад букиш қандай оғир, қандай ҳақорат. — К. Яшин, Ҳамза

Унсин учун — бечора қиз учун бу қандай фалокат, бу қандай мудҳиш мотам! — Ойбек, Танланган асарлар

4. Боғловчи сўз (нисбий сўз) вазифасида қўлланади.

Сотиб олинган қул қандай бўлса, у ҳам бизга шундай эди. — Ойбек, Танланган асарлар

5. рвш. Қай тарзда, қай ёʻсинда.

Луғат қандай тузилади? Бу перо қандай ёзади? Шунча ишни бир ўзинг қандай бажарасан?

6. -ганда қўшимчасини олган феъллардан кейин келиб, берилган саволга ижобий жавобни бўрттириб, таъкидлаб ифодалайди.

Бу филмни кўрганмисиз? — Кўрганда қандай. Шу китоб қизиқми? — Қизиқ бўлганда қандай дейсиз!

Қандай қилиб Қайси ёʻл билан, қай тарзда, қайси ёʻсинда. Қандай қилиб бу ерга келиб қолдингиз?Сиз Олтин юлдузни қандай қилиб олгансиз? Шуни айтиб берсангиз. — А. Қаҳҳор, Олтин юлдузБиз радиоактив моддаларнинг ғўзалардаги тирик тўқималарга қандай қилиб таъсир қилишини аниқлашга муяссар бўлдик. — Фан ва турмуш
Қандай бўлмасин (ёки бўлса ҳам) 1. Қандайдир, қанақа бўлмасин, бари бир. Энди у [Нури] Фазлиддиннинг ҳамма сифатларида, қандай бўлмасин, бир камчилик кўра бошлади. — Ойбек, Танланган асарларҚандай бўлмасин, эртага келишинг керак. Қандай қилай, Нима қила олар эдим, нима қилай, на чора.Энди қандай қилай, бўлар иш бўлган.Қандай қилай, ўртоқжон, ўзимга қолса, шундоқ бўлсин дебманми. — А. Қаҳҳор, Қаноциз читтак

қандай

как, какой, каков

қандай

прон. what, which, how

Ўзбекча-қорақалпоқча луғат

ҚАНДАЙ

qanday

Ўзбекча-туркча изоҳли луғат

ҚАНДАЙ

1. Белги, сифат, хусусият ҳақидаги сўроқни билдиради; қанақа?NASIL

2. Қай хилдаги, қай тарздаги; қанақа.

Ўзбекча-немисча луғат

қандай

wie?, welcher?, welch?, welch ein?, was für ein?