ko‘ra

1. Koʻrmoq feʼlidan ravishdosh.

Meni koʻra oʻrnidan turdi.

— Oʻz rohatimni koʻzlab, sizning oshingizni kutib qolsam, besh kishini, koʻra-bila turib, och qoʻygan boʻlaman, — dedi Otabek. — A. Qodiriy, Oʻtgan kunlar

2. koʻm. (j. k. bilan) Sabab, asos munosabatini bildiradi; asosida, muvofiq, binoan.

Shunga koʻra. Taomilga koʻra.

Tuzilgan bitimga koʻra, Abdulatif Samarqandga yuborildi. — Mirmuhsin, Meʼmor

Otam, oʻz kasbining taqozosiga koʻra, umrining koʻp qismini safarlarda oʻtkazgan odam. — Shukrullo, Javohirlar sandigʻi

3. koʻm. (ch. k. bilan) Qiyos, taqqoslash munosabatini bildiradi; nisbatan, qaraganda.

Siz buni mendan koʻra yaxshiroq bilasiz. Undan koʻra bu yaxshiroq.

Peshtaxtalar oldida xaridordan koʻra koʻproq uymalashgan sotuvchilar tillaridan bol tomib, mollarini taʼriflashadi. — N. Aminov, Suvarak

Masala u oʻylaganidan koʻra chuqurroq koʻrinardi. — F. Musajonov, Himmat

Meʼmor hatto oʻz oʻgʻli Nizomiddindan koʻra ham Zavrakning gaplariga ishonardi. — Mirmuhsin, Meʼmor

1. Tunuka-temirdan tarnov shaklida yasalgan, kabob pishiriladigan asbob.

Doshqozonlardagi jajji gumbazday sap-sariq palovning, koʻkish tutun chiqib turgan koʻralardagi sixkabobning hidi hamma yoqni tutib ketgan. — S. Siyoyev, Avaz

2. Pista koʻmir tayyorlanadigan chuqur.

3. Temirchi va zargarlarning metall eritadigan oʻchogʻi.

Temirchidan bir koʻra bilan dam soʻrab oldi. — Sharq yulduzi

Mana, otaning loydan yasalgan toʻrt burchakli koʻrasi, oʻchoqdagi koʻmirga havo beruvchi, echki terisidan yasalgan dami ustaxonadan joy olgan. — Gazetadan

4. Ziynatli chinni idish; vaza.

[Zumrad] Devorlarning naqshini tomosha qildi, koʻralar va ipak gilamlarni bir-bir koʻzdan kechirib, ajablandi. — Oybek, Ulugʻ yoʻl

Sirtiga turli afsonaviy qush va hayvonlarning suratlari solingan chinni koʻralar, idish-oyoqlar tokchalarga tizilgan. — M. Osim, Karvon yoʻllarida

5. shv. Tunukadan ishlangan, ogʻzi kattaroq joʻmraksiz obdasta.

Bola kuchi yetsa — chelak sudrab, yetmasa — koʻra koʻtarib, sahnga suv separ edi. — M. Ismoiliy, Fargʻona tong otguncha

Toshloq, qum-shagʻalli yerlarda suvni tortib ketadigan gʻovak joy; oʻpqon.

Dashtdagi bogʻbon sugʻorish pallasi kechasi-yu kunduzi shunday koʻralar ogʻzini berkitish bilan band boʻladi. — A. Ibodinov, “Latofat doʻkonidagi qatl

Bogʻbonlar koʻra deb ataydigan, kuldirgichga oʻxshash bunday teshiklardan shagʻal oʻpqoni bir zumda bir tegirmon suvni yutib yuboradi. — A. Ibodinov, Latofat doʻkonidagi qatl.

послелог сообразно

• shunga koʻra поэтому, вследствие этого; сообразно с этим
• eshitganimizga koʻra судя по тому, что мы слышали

undan koʻra bu yaxshiroq это лучше, чем то

1. ваза

2. жаровня (для поджаривания шашлыка)

• chinni koʻra фарфоровая ваза

ж po‘stloq, po‘st, qobiq

n brazier

1. kóre, kóresala

2. góre, tiykarında, muwapıq

1. Muvofiq, binoan.KÖRE

2. Nisbatan, qaraganda.NİSPETEN, KISAYLA

laut, entsprechend D, gemäss D