Sinxron tarjima terminlarining izohli lugʻati
-
– Таҳлил. 1. Таржима жараёнида матн (нутқ)нинг мантиқий боғлиқликни аниқлаш мақсадида изчил равишда содда мустақил маъновий қисмларга бўлиниши. Матнни ташкил этувчи мустақил маъновий қисмларнинг ҳар бири алоҳида, мустақил бўлади: тинглаш – пассив грамматика – шаклдан маънога ўтиш – хабар бирликларини билиб олиш каби. 2. Дастлабки хабарни идрок этиш ва тушуниш.
Psixologiya terminlarining izohli lugʻati
-
(юнон. analusis — парчалаш, бўлиш) — анализ (таҳлил), нарса ва ҳодисаларни фикран таркибий қисмларга ажратишдан иборат бўлган ақлий операция. Мас., психологияда онг ҳодисаси анализ қилинар экан, у ақл, ирода ва ҳиссиёт деб уч таркибий қисмга бўлинади. А. процессида бутуннинг бўлакларга нисбатан муносабати аниқланади.
Metrologik izohli lugʻat
-
АНАЛИЗ 1. Тизим сифатида кўрилаётган тадқиқот объекти (предмет, ҳодиса, жараён) ҳар бирини алоҳида ўрганиш ва тизимда уларнинг роли ҳамда ўрнини аниқлаш учун таркибий элементларга ажратиш ва шу тарзда тизимнинг структурасини аниқлашдан иборат бўлган тадқиқот усули. 2. Модданинг таркиби, структураси ва физик-кимёвий хусусиятларини тадқиқ қилиш. 3. Жараён параметрларини тадқиқ қилиш. 4. статистик АНАЛИЗга қар. ANALIZ 1. Tizim sifatida ko‘rilayotgan tadqiq qilish obyekti (predmet, hodisa, jarayon) har birini alohida o‘rganish va tizimda ularning roli hamda o‘rnini aniqlash uchun tarkibiy elementlarga ajratish va shu tarzda tizimning strukturasini aniqlashdan iborat bo‘lgan tadqiq qilish usuli. 2. Moddaning tarkibi, strukturasi va fizik-kimyoviy xususiyatlarini tadqiq qilish. 3. Jarayon parametrlarini tadqiq qilish. 4. statistik ANALIZga qar.
Maqoladagi xato haqida xabar berish
