Творческая точность.

Творческая точность.

1. - Ижодий аниқлик. Аслиятнинг асосий фазилатларини қайта яратишга хизмат қиладиган, асарнинг таржима тилида бадиий баркамол бўлиб чиқишини таъминлайдиган ижобий маънодаги эркинлик. Бунинг натижасида муаллифнинг ўзига хос маҳорати, асарининг жозибаси, ички руҳи сақланади. “Ижодий аниқлик қандай қўлга киритилади? Бунда ҳам эркинлик бор, турли ўзгаришларга йўл қўйилади. Лекин бу эркинликлар асар хусусиятини, муаллиф услубини бутунлай ўзгартириб юборишга сабаб бўлмайди, аксинча, аслиятнинг муҳим фазилатларини қайта яратишга хизмат қилади, асарнинг янги тилда бадиий етук бўлиб чиқишига ёрдам беради. Муаллифнинг ўзига хос маҳорати, асарнинг жозибаси, ички руҳи сақланиши баробарида китобхон ўз она тилида равон, мукаммал асар ўқишга муяссар бўлади. Ижодийлик асосидаги қайта яратиш санъати талаблари ана шу” (Ғ.Саломов).