RASTVORЫ BUROVЫE MERGELISTЫE — Mergelli burgʻilash eritmalari

РАСТВОРЫ БУРОВЫЕ МЕРГЕЛИСТЫЕ — Мергелли бурғилаш эритмалари

1. мергель жинсларини бурғилашда қўлланиладиган табиий эритма. Параметрлари: зичлиги — 1,36 г/см³, қовушқоқлиги 18—36 с, сув берувчанлиги 30 минутда 0,5—2 см³, гил пўсти 1,5 мм, СНТ 40/60 мгс/см². Қаттиқ фазаси юқори концентрацияга эга бўлган мергелли суспензияларда структура ҳосил бўлиши тезлашади, шу сабабли улар тиксотропик хусусиятга эга. Мергелнинг сувли суспензияларига сирт-фаол моддалар — стабилизатор ва электролитлар билан ишлов бериш мумкин. Кўмир-ишқорли ёки торф-ишқорли реагентлар ва кальцийга бойитилган сода билан ишлов берилган мергель — бўр таркибли суспензиялар бурғилаш саноатида кенг қўлланилади. Табиий М.б.э.дан фойдаланилганда бир хил шароитда бурғилашнинг коммерция тезлиги гилли эритмалардан фойдаланиб бурғилаш тезлигидан юқори бўлади. Тезликнинг ошишига эритманинг реологик ва структуравий-механик хоссалари ижобий таъсир этади, ҳаракатчанлиги, қовушқоқлиги, зичлиги, фильтрация хусусиятлари узоқ муддат яхши сақланиб қолади. Улар тез қуюқлашмайди, қовушқоқлиги гил эритмаларникидан паст бўлади, физик-кимёвий хусусиятлари долотани ишлаш шароитини яхшилайди ва қудуқ тубини майдаланган жинслардан тозаланишини тезлаштиради.