марсия

Бирор шахснинг вафоти муносабати билан унинг хотирасига бағишлаб ёзилган мотам шеъри; Шарқ шеъриятидаги адабий жанрлардан бири.

Биз ўлим ва ғамгинликнинг марсиясини эмас, ҳаёт қўшиғини куйлашимиз керак! — Уйғун, Ҳаёт қўшиғи.

Бирор шахснинг вафоти муносабати билан ёзилган мотам шеъри.MERSİYE, AĞIT

↑ Trauerlied n

Мотам элегияси: Яқин ва Ўрта Шарқ поезиясидаги адабий жанрлардан бири бўлиб, бирор машҳур киши вафоти муносабати билан ғам-алам ва ҳасратни ифодалайдиган шеър. Марсия дастлаб халқ оғзаки ижодида кишилик жамиятининг жуда ҳам қадимги босқичларида пайдо бўлган. (Масалан, «Девони луғотит турк»даги Алп Эртунга марсияси.) Кейинчалик марсиялар турли халқларда турлича қатъий шаклга кириб, бир неча хил версия ва вариантларда кенг тарқалган. Халқ оғзаки ижодидаги марсиялар йиғи деб ҳам аталади. Масалан: Ўлим қурсин, адо қилди, Юракларим зада қилди. Зада қилмай нима қилди, Меҳрибондан жудо қилди. Халқ оғзаки ижодидаги марсияларда ўлимдан, дунёдан шикоят, оҳ-зор мотивлари етакчилик қилади. Марсия кейинчалик ёзма адабиётга ҳам ўтди. Ўзбек классик адабиётида Алишер Навоийнинг Жомий вафоти муносабати билан битган марсияси машҳурдир. Ҳозирги марсияларда ўлган шахснинг жамиятдаги ўрни, хизматлари эсланади ва унинг ўлими муносабати билан шоир ўзининг ва халқнинг қайғуси, изтиробини баён этади. Бундай марсиялар Ҳамза, Ҳ. Олимжон, Ойбек, Уйғун, Миртемир, С. Зуннунова, А. Орипов, Рауф Парфи каби шоирлар ижодида учрайди., марсия