jonon

ot 1. Juda goʻzal, zebo, qaddi-qomati kelishgan ayol; nozanin.

Koʻzim nuri, latofatli na xush ozoda jononsan, Nechuk ham yaxshi jononsan, mening jismim aro jonsan. — Habibiy

2. sft. Juda yaxshi, goʻzal, shirin, yoqimtoy; oʻynoqi; aʼlo.

Jonon yigit.

Shahrimiz koʻrkidir jonon bolalar. — Gʻ. Gʻulom

Aytsam, doʻstlar, shu tuni Boʻlib oʻtdi jonon toʻy. — Z. Diyor

Hoy qushlar, jonon qushlar, Keling, chertay birga tor. — Gʻayratiy

Kulgisi chiroyli ekan, jonon chinni chertilganday boʻldi. — M. Ismoiliy, Fargʻona tong otguncha.

3. Yaqin kishilarga murojaatda hurmat yoki kesatiq maʼnosini, begonalarga nisbatan esa xushomadni bildiradi.

— Jonon, — dedi u, xotinining boshini silab. — A. Qahhor, Sarob

4. Jonon (xotin-qizlar ismi).

n beauty, pretty girl, sweetheart, beautiful and charming girl

janan, gózzal, názálim

1. adj. hübsch, schön

2. subs. Schöne f

ruschaкрасавицаinglizchabeautiful lady, beauty, sweetheart, darlingfransuzchajeune fille charmante, beau, joliarabchaحَسْنَاءُ (حِسَانٌ), رَائِعَةُ الحُسْنِ