Адабиёцҳунослик терминларининг изоҳли луғати
-
(гр. epeisodion — бегона, алоқасиз сўзидан) — эпизод. 1. Қадимги грек драмасидаги хорлар орасида намойиш этиладиган қисқа воқеалар. 2. Нисбий мустақилликка эга бўлган асар воқеаси, бадиий асарнинг бўлинмайдиган энг кичик қисми. Бадиий асардаги эпизодлар ижодкор ғоясини рўёбга чиқаришда ўзаро мантиқий изчилликда, бир-бири билан боғланиб, асар сюжетини ташкил этади. Эпизод ўз характерига кўра икки хил бўлади: 1) асар сюжетининг узвий ҳалқаси, асосий таркибий қисми. Масалан, Ойбекнинг «Қутлуғ қон» романидаги 1916 йил миллий озодлик қўзғолонида Йўлчининг ҳалок бўлиши тасвири. Бу эпизод, биринчидан, асар воқеасини якунласа, иккинчидан, у асосий образнинг тадрижий такомилини ҳам ифодалайди; 2) кўмакчи эпизод. Бундай эпизод кўпинча, бадиий асардаги ёрдамчи сюжет чизиғида учрайди ва характернинг айрим қирраларини ёритишга хизмат қилади. Масалан, А. Қаҳҳорнинг «Синчалак» повестидаги Саиданинг ўтмишини акс эттирувчи эпизодлар.
Ўзбекча-туркча изоҳли луғат
-
1.OLAY, OLGU, VAKA 2.EPİZOT 1.Айрим ҳаётий воқеа, ҳодиса. 2.Адабий асарда, саҳна асари, кинофильм ва ш.к.да маълум даражада тугал мазмунга эга бўлган парча, воқеа.
Мақоладаги хато ҳақида хабар бериш
