Синхрон таржима терминларининг изоҳли луғати
русча
-
– Муаллиф таржимаси. 1. Таржиманинг махсус тури. Асл нусхани бошқа тилда қайта яратишнинг идеал усули. Чунки асл нусхани ҳеч ким муаллифдан яхшироқ билиши мумкин эмас. Бундан ташқари, муаллиф таржимасида аслият матни бошқа таржимонникига қараганда анча жиддий ўзгаришга учраши табиий. Шу сабабли, муаллиф таржимасига айрим нарсалар қўшилиши, аниқлик ва эркинлик мезонлари ўзгариши ҳам табиий ҳол ҳисобланади. 2. Зуллисонайн шоирнинг бир шеърий асарни икки тилда ёзиши (таржима қилиши). Муаллиф таржимаси мақбул ва мукаммал таржима тури ҳисобланиши мумкин. 3. Таржиманинг энг ишончли тури (чунки ҳеч ким асл нусхани муаллифдан кўра яхшироқ билмайди. Муаллиф мутлақ зуллисонайн ижодкор бўлгандагина муаллиф таржимаси мукаммал бўлади ва бунақаси жуда кам учрайди. Буни нафақат таржиманинг энг ишончли тури, балки таржиманинг энг олий шакли дея эътироф этиш мумкин, чунки аслият ва таржима матни икки тилда бир киши томонидан яратилади. Бундан ташқари, таржима тилини бойитадиган тил шакллари муаллиф таржимасида яққол намоён бўлади.
Мақоладаги хато ҳақида хабар бериш
