ЗОНА НЕФТЕГАЗОНАКОПЛЕНИЯ — Нефт-газ тўпланувчи зона

ЗОНА НЕФТЕГАЗОНАКОПЛЕНИЯ — Нефть-газ тўпланувчи зона

1. геологик тузилиши жиҳатидан ўхшаш, бир-бири билан жинсан боғлиқ ва ёндош, бир гуруҳга мансуб тутқичлардаги конларнинг йиғиндиси (А.А. Бакиров, 1975 й.). Ёндош жойлашган нефть-газ тўпланиш зоналарининг чегараси ботиқлик ўқи бўйлаб ўтади. Н.-г.т.з.сида нефть ва газларнинг ҳосил бўлиши тутқичларнинг ҳосил бўлиш шароити билан чамбарчас боғлиқ. Нефть-газ йиғилишининг муҳим белгиси сифатида маҳсулдор қалин-қатламлар ёшининг умумийлиги структура элементлари генезиси ва конларнинг геологик тузилишининг ўхшашлиги қабул қилинган. Структура элементларининг генезиси (ҳосил бўлиши) Н.-г.т.з.ларининг тектоник жараёнлар билан боғлиқлигини ифодалайди ва улар тарқалган жойларни излаш имкониятларини белгилайди. Структура элементларининг тузилиши эса Н.-г.т.з.си ўрнини, уюмларнинг тарқалиш майдонини белгилаш ҳамда бундай зоналарни излаш ва разведка қилиш мақсадида бажариладиган тадқиқотлар негизи ҳисобланади. Шу сабабли Н.-г.т.з.ларини таснифлашда ушбу икки кўрсаткичлар асос қилиб олинган (3.2-жадвал).