Sinxron tarjima terminlarining izohli lugʻati
ruscha
-
Бадиий таржима. 1. Бадиий адабиёт таржимаси. Бу дунёни маданий жиҳатдан ўзлаштириш ва инсониятнинг жамоавий хотирасини кенгайтириш воситаси, маданиятнинг омилидир. Унинг назарий асосини адабий таржима назарияси ташкил этади. 2. Бадиий адабиётларни таржима қилиш. Бадиий таржиманинг қоидаси битта – таржима қилинаётган асарнинг руҳини бериш. Асар шундай таржима қилиниши керакки, ўқувчи уни аслият муаллифи қандай ёзган бўлса, таржимаси ҳам худди шундай ўқилиши керак. 3. Ҳар бир таржима ўз ўқувчисига аслиятни ўқиган китобхонда қолдирганчалик таассурот қолдириши керак. 4. Бадиий таржимада ҳеч қандай қўшимча қилиш, қисқартириш, ўзгаришларга йўл қўйилмайди. Агар аслиятда камчиликлар бўлса, у ҳам таржимада тўғри етказилиши керак. 5. Таржимоннинг тажрибаси, қобилиятлари қанчалик кам бўлса, у ўзига шунчалик кўп эрк беради ва муваффақиятга даъво қилади. Тажрибали таржимон эса ўзининг ижодий фантазиясини аслиятга садоқатга бўйсундиради. Ёмон таржимон яхши нарсани ўзига қараб тортса, яхши таржимон муаллифга қараб тортади. 6. Бадиий таржимада асарнинг эстетик идрок этилиш хусусияти ҳам сақланади. 7. Унда маданиятлараро, маданий-этник мулоқот ҳукмронлик қилади.
Maqoladagi xato haqida xabar berish
