Adabiyotshunoslik terminlarining izohli lugʻati
ruscha
-
— ёрдамчи образлар. Бадиий асарда асосий образларни тўлдирувчи, уларнинг характеридаги бирор хусусиятни ёрқинроқ очиб бериш учун хизмат қиладиган иккинчи даражали образлар. «Бой ила хизматчи» драмасидаги Холмат, Ойбекнинг «Қутлуғ қон» романидаги Нури ана шундай образлардандир. Холмат образи Ғофирга хос хислатларни янада бўрттириб кўрсатиш учун хизмат қилса, Нури образи Йўлчи ва Гулнорга хос гўзал фазилатларнинг янада ёрқин ифодаланишига ёрдам беради. Ёрдамчи образлар барча йирик эпик асарларда бўлганидек, лирик шеърларда ҳам кўплаб учрайди. А. С. Пушкиннинг «Гул» шеъридаги гул образи ҳам ана шундай ёрдамчи образлардандир. Шоир гул образи орқали икки севишган қалб ҳақидаги ўз фикрларини ифодалайди. М. Лермонтовнинг «Замонамиз қаҳрамони» асаридаги Грушницкий образи ҳам рус адабиётидаги энг яхши ёрдамчи образлардан биридир.
Maqoladagi xato haqida xabar berish
