ВНУТРЕННИЕ ЗОНЫ ОРОГЕНОВ

ВНУТРЕННИЕ ЗОНЫ ОРОГЕНОВ

1. Орогенларнинг ички зоналари — геологик тузилиши турли-туман ва турли таркибли бўлган зоналар. Офиолит қопламаларнинг мавжудлиги О.и.з.нинг энг асосий элементи ҳисобланади. Бундай қопламалар бурмаланиш минтақалари системаси ташқи зоналарининг ички томонида ҳосил бўлган чўкинди ҳосилалар устида ёки уларнинг кристаллик пойдевори устида учрайди. Бу жараён ўз навбатида океан пўсти обдукциясидан дарак беради. О.и.з.даги офиолит қатламлар турли йўл билан ҳосил бўлади. Улардан айримларигина очиқ океаннинг спрединг зоналарида, иккинчилари — чекка денгизларнинг шундай зоналарида, учинчилари — энсиматик вулкан ёйларининг асосида учрайди. О.и.з. таркибида ёй олди, ёй оралиғи ва ёй орти эгилмаларини тузувчи бурмаланиш чўкинди — пирокластик жинсларнинг бўлиши муҳим роль ўйнайди.