Adabiyotshunoslik terminlarining izohli lugʻati
-
— адабий турлар, адабий хиллар. Тасвир принципи, ҳаётий воқеликнинг қамрови ва акс этиш тарзи, образлар характерини очиш имкониятларига қараб барча бадиий асарлар уч катта турга бўлинади: 1) Эпик тур. Бу турга роман, повесть, масал, ҳикоя, очерк каби жанрлар киради. 2) Лирик тур. Бу турга ғазал, мураббаъ, мухаммас, мусаддас, мусамман, рубоий, туюқ каби классик адабиётдаги жанрлар ва ҳозирги адабиётдаги шеърий асарларнинг ҳаммаси киради. 3) Драматик тур. Драматик тур драма, комедия ва трагедия каби жанрларни ўз ичига олади. Айрим асарлар адабий турларнинг ўзаро уйғунлашуви натижасида юзага келади. Масалан, шеърий роман, насрий назм каби. Бундай асарлар лирик-эпик турга мансуб деб юритилади.
Maqoladagi xato haqida xabar berish
