Виды эквивалентности.

Виды эквивалентности.

1. Эквивалент (муқобил)лик турлари. 1. Эквивалент (муқобил)ликнинг қуйидаги беш тури ажратилади: (1) Денотатив муқобиллик. Бунда матннинг предметли мазмунини сақлаш кўзда тутилади (таржимашуносликка оид адабиётларда у “мазмуний инвариантлик” деб номланади); (2) Коннотатив муқобиллик. Бунда матн коннотациясини синонимик тил воситаларини мақсадли танлаш йўли билан бериш кўзда тутилади (таржимашуносликка оид адабиётларда у стилистик эквивалентлик деб номланади); (3) Матний-меъёрий муқобиллик. Матннинг жанр хусусиятларига, нутқ ва тил меъёрларига йўналтирилган эквивалентлик (таржимашуносликка оид адабиётларда у ҳам стилистик эквивалентликни англатади); (4) Прагматик муқобиллик. Қабул қилувчига нисбатан муайян муносабатни ўз ичига олган прагматик муқобиллик (таржимашунослик адабиётларида “коммуникатив эквивалентлик” деб ҳам юритилади); (5) Шаклий муқобиллик. Аслиятнинг бадиий ва эстетик, индивидуаллаштирувчи ва бошқа шаклий аломатларини беришга қаратилган шаклий муқобиллик. 2. Уч хил эквивалентлик (муқобиллик) қуйидагилардир: (1) Шаклий (формал) муқобиллик. Бунда икки тилдаги умумий маънолар ўхшаш тил шакллари воситасида ифодаланади; (2) Маъновий муқобиллик. Бир хил маънони турли йўллар билан ифодалаш; (3) Вазият билан боғлиқ муқобиллик. Бунда айнан бир хил вазият турли шаклларда берилишдан ташқари, турлича ифодаланган турли элементар маънолар (семалар) ёрдамида ҳам тасвирланади.