Психология терминларининг изоҳли луғати
-
«кароматли тушлар»; уйқу процессида кўрган тушларни шахснинг тақдирига боғлаб йўйишдан иборат бидъат. К. т. ҳақидаги «фикрлар»га кўра, кишининг тушида кўрган нарсалари ўнгида тўғри келармиш ёки туш кишининг келажаги ҳақида олдиндан хабар берармиш. Мас., «мусулмон» халқларида тушида кўрилган хом гўшт мушкулотга, ип йўлга йўйилади: агар киши тушида янги кийим кийса, обрўсининг ортишига, от минса, мартабага эришиши ёки мурод-мақсадига етишига йўйилади. Туш кўришни кишининг тақдирига боғлаб, бундай йўйилиши бежиз эмас; туш кўриш ихтиёрсиз хаёлнинг бир тури бўлиб, унинг мазмунида кишининг орзу-умидлари, ҳаёти учун фойдали ёки хавфли ҳисобланган нарса ва ҳодисалар ҳам ифодаланиши мумкин; лекин туш кишининг келажак иқболидан дарак беради, деб қатъий айтиш хатодир.
Мақоладаги хато ҳақида хабар бериш
