Adabiyotshunoslik terminlarining izohli lugʻati
-
— вариантлилик. Вариантларга эга бўлган асарларга нисбатан қўлланиладиган термин бўлиб, у халқ оғзаки ижодида, айниқса, кенг маъно касб этади. Вариантлилик ҳам фольклорни ёзма адабиётдан фарқлантирувчи анонимлик, оғзакилик каби энг муҳим хусусиятлардан биридир. Халқ оғзаки ижоди намуналарининг вариантлари баъзан юздан ҳам ортиқроқ бўлиши мумкин. Вариантлилик фольклор асарлари қайси тур, қайси жанр намунаси бўлишидан қатъи назар, уларнинг барчаси учун хосдир. Масалан, ўзбек фольклоршунослари томонидан биргина «Алпомиш» достонининг 40 дан ортиқ варианти ёзиб олинган. Ўзбек фольклорида «Гўрўғли» туркумининг вариантлари эса 100 дан ортиб кетади.
Maqoladagi xato haqida xabar berish
