VЫBOR TIPA BUROVЫX RASTVOROV — Burgʻilash eritmasi turini tanlash

ВЫБОР ТИПА БУРОВЫХ РАСТВОРОВ — Бурғилаш эритмаси турини танлаш

1. қудуқнинг чуқурлиги, геологик кесими ва шароити, танланган конструкциясига кўра эритма хилини танлаш. Қудуқ қазиш маълум даражада бурғилаш эритмасига, кимёвий ишлов бериш методикаси ва воситаларига боғлиқ. Шу сабабли бурғлашни бошлашдан аввал эритма таркиби ва хусусиятлари аниқланади, ҳар бир оралиқда қудуқ конструкциясига мос келувчи эритмалар танланади. Айрим майдон учун ёки геологик-техник шароитлари ўхшаш майдонлар гуруҳи учун бурғилаш эритмаларининг технологик регламентлари ишлаб чиқилади, бунда: бурғиланадиган оралиқдаги жинсларнинг литологик таркиби, қудуқ конструкцияси, мураккаблашиши мумкин бўлган оралиқлар, тавсия қилинаётган эритма тури, эритмани тайёрлашда ва кимёвий ишлов беришда қўлланиладиган материаллар ва реагентлар, қазиладиган ҳар бир метрга кетадиган эритма сарфи ва б. кўрсатилади. Б.э.т.т. асосан қатлам босимидан келиб чиқади. Агар қатлам босими нормал гидростатик босимга тенг ёки яқин бўлса, унда нормал зичликка (1,15—1,30 г/см³) эритма хили танлаб олинади. Қатлам босими гидростатик босимдан бир неча баробар катта бўлса у ҳолда эритмани оғир хили танланади. Енгил ва оғир эритмаларни тайёрлашда унга сарфланадиган кимёвий реагентлар миқдори ҳам турлича бўлади. Шунингдек, бурғилаш эритмаси хилини танлашда қатламнинг ҳарорати ҳам катта роль ўйнайди. Бурғилаш чоғида температура (200°С ва ундан юқори), эриган тузлар ва майдаланган зарралар ҳисобига эритманинг таркиби ва хусусияти доимо ўзгариб боради. Эритма таркиби ва хусусиятлари барқарорлигини сақлаш мақсадида уларга қайта ишлов берилади. Бунинг учун қўшиладиган реагентлар миқдори аниқланади ва ишлов бериш бир неча маротаба такрорланади.