Синхрон таржима терминларининг изоҳли луғати
русча
-
Оғзаки таржима. 1. Оғзаки таржима шаклларининг барча турларини ўз ичига олган, хусусан мустақил таржима, кетма-кет таржима ва сўзма-сўз таржима, синхрон таржима турларини бирлаштирган тушунча. 2. Оғзаки таржима ёзма ва оғзаки матнларнинг таржимасини ўз ичига олади. 3. Бир тилдан бошқасига таржима қилиш жараёни бўлиб, таржимон томонидан хабар мазмуни ёзилмасдан оғзаки равишда амалга оширилади. Оғзаки таржима кенг тарқалган бўлиб, давлат раҳбарлари ўртасидаги халқаро аҳамиятга молик сиёсий-иқтисодий мавзудаги ўзаро фикр алмашувлардан тортиб, оддий суҳбатгача бўлган кенг доирани қамраб олади. Оғзаки таржима қуйидаги турларга бўлинади: синхрон таржима; кетма-кет таржима; тушунтириб бериш; ўқиб таржима қилиб бериш; ўқиб гапириб бериш; эшитиб гапириб бериш. Оғзаки таржима таржимонликнинг нисбатан осон соҳаси бўлиб, ёзма таржима бир қадар мураккаб. Оғзаки ва ёзма таржима ўртасидаги фарқни гапириш ва ёзиш ўртасидаги фарққа ўхшатиш мумкин. Бу икки таржима тури билан тил билган ҳар қандай мутахассис шуғулланиши мумкин.
Мақоладаги хато ҳақида хабар бериш
