UROVNEMER — Sath oʻlchagichi

УРОВНЕМЕР — Сатҳ ўлчагичи

1. — саноатда суюқ, сочма, тўкилувчан моддалар сатҳини, резервуар, омбор, технологик аппарат ва бошқаларда, ўлчаш ёки назорат қилиш учун қўлланиладиган асбоб. Ўрнатилиш жойига қараб кўрсатувчи (узлуксиз ўлчаш учун) ва сигнал берувчи (сатҳнинг бир ёки бир неча ҳолатини дискрет назорат қилиш учун)ларга бўлинади. Суюқлик С.ў.лари ишлаш принципига қараб механик, гидростатик, электрик, акустик ва радиоактивларга бўлинади. Энг содда С.ў. сувни ўлчайдиган ойна ҳисобланади, У берк сиғимда суюқлик сатҳини бевосита назорат қилади. Туташ идишлар принципи қўлланилган суюқлик С.ў.лари конструктив жиҳатдан очиқ резервуарлар ва босим остида бўлган аппаратларга мосланиб ишланади.