Творческая лаборатория

Ijodkorning ijod jarayonini anglatadigan shartli termin. Yozuvchi laboratoriyasini tekshirish uning asarlarining yaratilish tarixi, ish uslubi, ijod qonuniyatlarini aniqlash va tekstologik tadqiqotlar uchun muhim materiallar beradi. Yozuvchining asar tili va badiiyligi ustida ishlash, hayotiy voqealardan, toʻplangan materiallardan keraklisini tanlab olish, asarga badiiy toʻqimalar kiritish, asar kompozitsiyasi va syujetini aniqlashda oʻzigagina xos ish uslubi boʻladi. Masalan, Abdulla Qahhor bir hikoyani oʻn martalab koʻchirgan, hikoyada ishlatilgan iboralarni ilgaridan yon daftarchaga yozib yurgan. Aksincha, rus shoiri S. Yesenin esa oʻz sheʼrlarini, asosan, improvizatsiya yoʻli bilan ijod etgan. Sanʼatkorning ijodiy laboratoriyasini tekshirish adabiyot va adabiyotshunoslik uchun katta ahamiyatga ega., ijodiy laboratoriya