Adabiyotshunoslik terminlarining izohli lugʻati
ruscha
-
(фр. trouvere — кашф этиш, ихтиро этиш сўзидан) — труверлар. XI асрнинг охиридан XIV асрнинг бошларига қадар Франциянинг шимолида эпик ҳамда лирик шеърлар ижод қилган шоирлар. Труверлар халқ лирикаси анъаналарига асосланиб, тўқувчи аёллар ҳақида, турмуши бахтсиз бўлган аёлнинг оиладаги оғир аҳволи ҳақида қўшиқлар тўқиганлар. Труверлар поэзияси шеърий шаклнинг яхлитлиги билан трубадурлар поэзиясидан фарқланиб туради. XII аср бошларига келиб труверлар трубадурлар таъсирида қишлоқ мавзуида асарлар яратдилар. XIII асрнинг ўрталарига келиб труверларнинг қишлоқ мавзуидаги шеърияти ўрнини шаҳар лирикаси эгаллади. Труверлар поэзияси Уйғониш даври поэзиясига катта таъсир кўрсатди.
Maqoladagi xato haqida xabar berish
