Тоза углеводородли газлар

Тоза углеводородли газлар

1. метан миқдорига қараб қуруқ (95—97% метандан иборат) ва ёғли (метандан ташқари, оғир углеводородлар — этан, пропан, бутан ва б.) турларга бўлинади. Газ ишлари амалиётида 1м³ газдан 50—100 г. газли бензин олинса, бундай газлар ёғли ҳисобланади. қуруқ газларга ботқоқлик гази (100% метандан иборат), нефть уюмлари билан боғлиқ бўлмаган газ уюмлари газлари ва кўмир ҳавзаларининг метанли газлари мансуб. Бундай газлар 85 дан 99% гача метандан иборат. Ёғли газлар нефть ва газконденсатли уюмларда учрайди. Оғир углеводородлар миқдори 40% гача бўлиши мумкин. Углеводородли газларда одатда карбонат ангидрид гази ва азот бўлади, уларнинг миқдори гоҳо жуда кўп. Углеводородли газларда CO₂ 6—7% гача, азот 3% гача иштирок этиши мумкин. Аммо, баъзи бир углеводородли газларда CO₂ миқдори 35% гача, N₂ — 45% гача боради. Бундай газларнинг углеводородли қисми тоза метандан ва шунингдек, оғир углеводороддан иборат бўлади. Азотли газларда 2% ортиқроқ кислород ҳам учрайди. Гоҳо углеводородли газларда водород сульфиди 5—6% дан 15% гача кузатилади. Углеводородли газлардаги водород сульфиди кўпинча унинг уюм кесимида гипс бўлганда учрайди.