ТИПЫ ВЫСШЕЙ НЕРВНОЙ ДЕЯТЕЛЬНОСТИ

ТИПЫ ВЫСШЕЙ НЕРВНОЙ ДЕЯТЕЛЬНОСТИ

1. (типы нервной системы) — олий нерв фаолиятининг типлари; нерв процесслари (қўзғалиш ва тормозланиш) нинг муайян индивид олий нерв фаолиятини сифатлайдиган муҳим ва барқарор хусусиятлари йиғиндиси. Бу хусусиятларга нерв процессларининг кучи, мувозанатлилиги, ҳаракатчанлиги киради. Шу учала хусусиятнинг маълум тартибда бир-бири билан қўшилишидан О. н. ф. нинг қуйидаги тўрт асосий типи ҳосил бўлади: 1) кучли, мувозанатли, ҳаракатчан (чаққон) тип; 2) кучли, мувозанатли, инерт (осойишта) тип; 3) кучли, мувозанатсиз (шиддатли) тип; 4) кучсиз тип. О. н. ф. нинг бу типологияси ҳайвонларга ҳам, инсонларга ҳам хосдир. И. П. Павлов бундан ташқари, икки сигнал системасининг ўзаро нисбатига қараб, О. н. ф. нинг «махсус инсонларга хос» учта типини аниқлаган: 1) «фикрловчи» тип, бунда иккинчи сигнал системаси биринчи сигнал системасига нисбатан устун туради; 2) «бадиий» тип, бунда биринчи сигнал системаси иккинчи сигнал системасига нисбатан устун туради; 3) «ўртача» тип, бунда ҳар иккала сигнал системаси тенг кучли, мувозанатли бўлади.