ТЕПЛОТА СГОРАНИЯ ГАЗА — Газнинг ёниш иссиқлиги

ТЕПЛОТА СГОРАНИЯ ГАЗА — Газнинг ёниш иссиқлиги

1. 1м³ ёки 1 кг газ ёнганда ажраладиган иссиқлик миқдори (кЖ). Қуруқ газ (сув буғларисиз) юқори иссиқлик беради, нам газ (сув буғли) кам иссиқлик чиқаради. Углеводородларнинг ёниш иссиқлиги молекула массаси ошиши билан кўпайиб боради. Табиий газларнинг ўртача иссиқлик бериши 35160 кЖ/м³. Углеводородлар ёнганда, қуруқ тутунли газлардан ташқари, сув буғлари ҳам ҳосил бўлади. Ёнишдан ажралиб чиққан тўлиқ иссиқлик миқдори юқори ёниш иссиқлиги деб юритилади. Бундан сувнинг буғланишидан ҳосил бўлган яширин иссиқликни олиб ташланса, паст ёниш иссиқлиги бўлади. Ҳар хил ёнувчи газларнинг юқори ва қуйи ёниш иссиқлиги Т.4-жадвалда келтирилган. Тўлиқ ёниш учун зарур бўлган кислород ёки ҳавонинг миқдори ва ёнувчи моддаларнинг назарий таркиби Т.5-жадвалда берилган (м³/1м³ да). Газ ёнганда ёндириш қурилмалари ортиқча ҳаво билан ишлайди. Ҳавонинг ортиқлик коэффициенти ёндириш қурилмасининг ва ёнилғининг турига боғлиқ. Ёниш иссиқлиги калориметр ва микрокалориметрларда аниқланади. Г.ё.и. унинг таркиби ва ундаги компонентларнинг ёниш иссиқлигига боғлиқ ва у қуйидаги формула орқали аниқланади: $Q_н = \frac{Q_1Y_1 + Q_2Y_2 + ... + Q_kY_k}{100}$, бунда $Q_н$ — газнинг паст ёниш иссиқлиги, ккал/м²; $Y_1, Y_2, ... Y_k$ — газ таркибидаги ёнувчи компонентлар (ҳажми бўйича, %); $Q_1, Q_2, ... Q_k$ — ҳар бир компонентнинг 1м³ ҳажмдагисининг ёниш иссиқлиги.