Sinxron tarjima terminlarining izohli lugʻati
-
– Таржима назарияси. 1.Икки тилли мулоқотнинг мантиқий асосланган модели. Таржима назарияси умумий таржима назарияси (таржиманинг умумий назарияси) ва хусусий таржима назарияси (таржиманинг хусусий назарияси) га бўлинади. Моҳият эътибори билан таржима назарияси икки тил тизимининг илмий асосланган чоғиштирмасидир. Ҳеч бир фан ўз тарихини ўрганмасдан туриб тараққий эта олмайди. Фан тарихи ва назарияси бир-бири билан узвий боғлиқдир: назария – билиб, англанган нарсанинг мунтазам таърифланиши, тарих – билиш, англаш жараёнининг баён қилинишидир. Фан ва унинг назарияси ҳар доим илмий тараққиётда бўлиб, бундай тараққиётнинг ҳар бир босқичи ўзидан қандайдир ижобий из, қимматли нарса қолдиради. Таржима назарияси ҳам катта тажриба маҳсули, илмий фактларнинг назарий умумлашмасидир. 3. Таржима назарияси аслият ва таржима матнлари орасидаги ўзаро боғлиқлик қонуниятларини ўрганувчи ва таржима методлари ва техникаларини ишлаб чиқувчи илмий йўналишдир.
Maqoladagi xato haqida xabar berish
