Adabiyotshunoslik terminlarining izohli lugʻati
-
телевизион жанрлар. Телевизион жанрларнинг шаклланиши ва ривожланиши икки объектив ҳодиса билан узвий боғлиқ. Булардан биринчиси адабиёт ва публицистиканинг умумий йўналиш доираси, шунингдек, турли санъат турлари, энг аввало театр ва кинематографиянинг таъсири бўлса, иккинчиси техника (телекамера, кўчма телестанция, телекино, электрон «спецэффект» ва ҳ.к.) воситасида бадиий ифодалашнинг ўзига хос хусусиятларидир. Информацион, публицистик ва эстетик функцияни бажарувчи кинематография, театр, адабиёт, тасвирий санъат ҳамда радио ифода воситаларининг синтези сифатида юзага келган телевизион жанрлар уч асосий гуруҳга бўлинади. 1. Информацион-публицистик жанрлар. Бу гуруҳга телевизион ахборот, телевизион суҳбат, телевизион репортаж ва бошқа публицистик жанрлар киради. 2. Ҳужжатли-бадиий жанрлар гуруҳи телеочерк ва ҳужжатли драмани қамраб олган. Бундай жанрлар ҳужжатлилик ва бадиийликнинг мутаносиблигига асосланади.
Maqoladagi xato haqida xabar berish
