Сказитель

эртакчи, бахши. Халқ оғзаки ижодининг эпик ва лирик турга хос намуналарини айтувчи, куйловчи профессионал ижрочиларни ифодаловчи тушунча. Бундай ижрочилар деярли барча халқлар орасида халқ оғзаки ижодининг билимдонлари сифатида машҳур бўлганлар. Ҳар бир халқ ўз бахшиларини турлича атаган: греклар рапсод, руслар сказител, кавказ халқлари ашуг, испанлар хуч, немислар шпилман ва ҳ.к. Рус халқи орасида афсонавий бахши Баян номи машҳурдир. Кейинги йилларда рус фолклористлари И. Т. Рябин каби билиналар ижрочисини, Марфа Крюкова каби эртакчиларни аниқладилар. Бахши ва эртакчилар ўзбек халқи маданияти тарихида ҳам катта ўрин тутадилар. Ҳозирги кунда Эргаш Жуманбулбул ўғли, Фозил Ёʻлдош ўғли каби ўзбек бахшиларининг номлари Иттифоқимизда машҳурдир.