СИТУАТИВНАЯ РЕЧЬ

СИТУАТИВНАЯ РЕЧЬ

1. (фр. situation — вазият, ҳолатлар йиғиндиси) ситуатив нутқ; суҳбатдошлар учун аниқ бўлган вазият даъват этган фикр олишув процесси. С. н. да ҳам, ички нутқдаги сингари, кўпинча гапларнинг эгаси эмас, балки кесими ёки иккинчи даражали бўлакларидан бири айтилади, чунки бунда фикр нима ҳақида бораётганлиги суҳбатдошларга маълум бўлади. Мас., бекатда автобус кутиб турган кишилар «Келдими?», «Кўпдан бери кутасизларми?», «Келиб, кетиб қолган бўлса-я?» қабилида фикр олишув. Бунда гап фақат автобус ҳақида бораётганлиги ҳаммага маълум.