Axborot-kommunikatsiya texnologiyalari izohli lugʻati
-
ингл: bus рус: шина 1 Компьютернинг бир қисмидан иккинчи қисмига маълумотлар узатувчи физик восита. Энг юқори ўтказиш қобилиятини таъминлаш учун кўпинча шина параллел ётқизилган кўп сонли линияларга эгадир. Шу сабабли, шиналарни яратишда ясси кабеллардан фойдаланилади. Одатда “шина” атамаси “ички шина” маъносида фойдаланилади. Бу шина компьютернинг барча ички таркибий қисмларини марказий процессор ва хотира билан улайди. Худди шундай, кенгайтириш карталарининг процессор ва хотирага киришини таъминлашга мўлжалланган “кенгайтириш шинаси”дан фойдаланилади. Ихтиёрий шина икки қисмдан - манзил шинаси ва маълумотлар шинасидан ташкил топади. Маълумотлар шинаси маълумотларнинг ўзини узатса, манзил шинаси эса маълумотларни қабул қилиб олувчи ҳақидаги ахборотни узатади. Шинанинг ўлчами (унинг кенглиги) бир вақтнинг ўзида узатилаётган маълумотлар ҳажми билан белгиланади. Масалан, 16-битли шина 16 бит маълумотларни узатиш имконига эга, 32-битли шина бўлса 32 бит маълумотларни узатади. 2 Тармоқларда, локал тармоқнинг барча қурилмаларини улайдиган марказий кабель. Уни худди шундай магистраль деб ҳам аташади.
Maqoladagi xato haqida xabar berish
