Ахборот-коммуникация технологиялари изоҳли луғати
-
ингл: encryption рус: шифрование Криптографик усуллардан (шифрматнга ва дастлабки матнга ўгириш, электрон рақамли имзони шакллантириш ва текшириш, хеш-функцияни шакллантириш ва текшириш) фойдаланишга асосланган ахборотни ўзгартириш жараёни. Ахборотни шифрлаш уни бегоналар томонидан ўрганиш ёки ўзгартириш имкониятини йўққа чиқаради. Шунингдек, маълумотларга ва дастурларга, улардан ноқонуний фойдаланиш мақсадида, рухсатсиз рақамли имзо тизимига киришнинг олдини олишни таъминлайди. Шифрлашнинг икки усули мавжуд: симметрик ва асимметрик. Симметрик шифрлашда кодлаш ва кодни очиш учун биргина калитнинг ўзидан фойдаланилади. Асимметрик шифрлашда иккита калитдан фойдаланилади. Улардан бири (очиқ калит) дастлабки матнни шифрматнга ўгиришни, иккинчиси эса (ёпиқ калит) шифрматнни дастлабки матнга ўгиришни таъминлайди.
Мақоладаги хато ҳақида хабар бериш
