Ахборот-коммуникация технологиялари изоҳли луғати
-
Symmetric High-bitrate Digital Subscriber Line SDSL технологиясининг мукаммаллаштирилган хили. Маълумотларни тахминан 2,3 Мбит/секундгача бўлган тезликда узатиш имконини беради. Ушбу технология энг аввало маълумотларни алмашиш каналининг энг кўп ишончлилигига эришишга қаратилган. SHDSL технологиясида сигналга ишлов беришнинг мукаммаллаштирилган услубидан фойдаланилади. Бу уланиш барқарорликни ва линияда шовқинларга қарши юқори чидамлиликни таъминлайди. Битта телефон кабелида жойлашган бир неча SHDSL алоқа каналлари бир бирига халақит бермайди. SHDSL барча рақамли модемлар орасида алоқа линиясининг энг катта узунлигини таъминлайди – 6 кмга яқин. SHDSL технологиясининг муҳим афзаллиги иш жараёнида маълумотларни узатиш тезлиги ўзгармаслигидадир. Бу корпоратив фойдаланувчилар учун одатда муҳим шарт бўлади. ADSL модемдан фарқли ўлароқ SHDSL модем мижоз ва сервер режимида ишлаши мумкин, бу эса иккита SHDSL модемга бир бири билан тўғридан-тўғри, қўшимча коммутаторларсиз ишлаш имконини беради.
Мақоладаги хато ҳақида хабар бериш
