Руҳий ёрдам, руҳий мадад, руҳий далда
Ruhiy yordam, ruhiy madad, ruhiy daldaРуҳий ёрдам, руҳий мадад, руҳий далда
- бевосита фавқулодда вазиятлар ўчоқларида экстремал шароитларда ишлаш вақтида қўлланиладиган ва мутахассисларнинг руҳий зўриқишини ва руҳий зарба берувчи омилларнинг уларнинг иш қобилиятига салбий таъсирини камайтиришга қаратилган психопрофилактика ва психокоррекция элементлари тадбирлари мажмуи. Қутқарувчиларнинг юқори сафарбарлик ҳолатини сақлашга, қисқа муддатли дам олишдан оқилона фойдаланишга қаратилган, қутқарувчиларнинг руҳий мувозанатини тезлик билан тўла тиклашга ёрдам бериши керак. Р.ё. ўз вақтида, зудлик билан кўрсатилиши зарур, чунки унинг бўлмаслиги стрессга нисбатан кескин реакцияларнинг шаклланишига, ва, кейинчалик улар асосида жароҳатланишдан кейинги стресс касалликлари ривожланишига олиб келиши мумкин. Р.ё. ни ўтказишда психофизиологик касбий танлаб олишда ва вақти-вақти билан ўтказиладиган психофизиологик назоратларда баҳоланадиган шахснинг бошланғич хусусиятларини ва қутқарувчиларнинг руҳий ҳолатини ҳисобга олиш ўта муҳимдир.