Психология терминларининг изоҳли луғати
русча
-
(лат. formatio reticularis — тўрсимон боғлам) — ретикуляр формация; бош мия тана қисмидаги (узунчоқ мия, Воролиев кўприги, ўрта мия) нерв ҳужайралари бўлиб, улар ўз тузилишига кўра, қалин тўрни эслатадиган ўсимталарга эгадир. Қўзғавчилар таъсири остида турли рецепторлардан бош мияга сигналлар олиб борадиган сезувчи нервларнинг ўсимталари Р. ф. га туташган бўлиб, мавжуд сигналлар Р. ф. ни ҳам қўзғайди. Р. ф. да ҳосил бўлган қўзғалиш, ўз навбатида, бош мия қобиғидаги турли марказларни қўзғайди. Бош миядаги қўзғалиш эса Р. ф. нинг фаолиятини ё кучайтиради, ё сусайтиради. Демак, Р. ф. нинг ҳар бир ҳужайраси сезги органларидан кўп сигналлар қабул қилиб олиб, бош мия ва орқа мия фаолиятига умумий ҳолда таъсир кўрсатиб туради.
Мақоладаги хато ҳақида хабар бериш
