Нефт ва газ саноати изоҳли луғати
-
чуқур қудуқларни бурғилашда бўрдан тайёрланган эритмалар. Уларни бошқа турдаги ва оғирлаштирилган эритмалардан афзалликлари қуйидагилардан иборат: а) зичлигининг барқарорлиги; б) структуравий-механик хоссаларининг нисбатан пастлиги; в) насос ва турбиналарнинг гидравлик қисм деталлари хизмат муддатини ошиши; г) долотанинг ишлаш шароитини енгиллашиши; д) ишлатиладиган хомашё нархини камайтириш орқали эритма тайёрлашга сарфланадиган харажатларни қисқартириш; е) маҳсулдор горизонтларни сифатли очишга шароит яратиш мумкин бўлади. Бўр фрезер — оқимли тегирмонда майдаланиб сувда тайёрланади, сўнгра КМЦ (1—1,5%) ва суюқ шиша (3—4%) билан унга ишлов берилади. Б.э.нинг параметрлари бундай ишловдан сўнг қуйидагича: зичлиги 1,32 г/см³, сув берувчанлиги 30 минутда 14 см³, СНТ — 27/32 мгс/см², қовушқоқлиги — 35 с, рН — 11,6 бўлади. Б.э. тайёрлаш нархи оғирлаштирилган гилли эритмаларникидан анча арзон. Б.э.дан фойдаланиб бурғиланган қудуқларнинг 1 м га қазилиш таннархи арзон, бурғилаш тезлиги эса юқори бўлади.
Мақоладаги хато ҳақида хабар бериш
