Axborot-kommunikatsiya texnologiyalari izohli lugʻati
-
Мустақил дисклардан иборат бўлган ортиқча массив. Маълумотларни сақлаш ишончлилигини таъминлаш тизими. Юқори ҳажм, самаралилик ва ишончлиликка эга диск тизимларини яратиш технологияси. RAID-контроллери деб номланган махсус қурилма ёрдамида бир неча диск операцион тизим томонидан ягона катта диск сифатида қабул қилинадиган тарзда бирлаштирилиши мумкин. RAID-тизимларида ишончлилик ортиқчалик орқали амалга оширилади. Энг оддий мисол – бу RAIDнинг 1 поғонаси, яъни, дисклар ойнаси мавжуд бўлган ҳол. RAIDнинг машҳур 5 поғонали хилида тўпламдаги дискларнинг биттаси қолган дискларнинг назорат суммасини сақлайди. Ортиқчалик тўпламдаги дискларнинг бири ишдан чиққан ҳолатда уни алмаштириш ва дастлабки ахборотни қайта тиклаш имконини беради. RAIDнинг поғоналар деб номланувчи олтита иш режими мавжуд: - 0 поғонаси маълумотларни дисклар бўйича тақсимлашни таъминлайди. Бунда хатоларни текшириш ва маълумотларни ортиқча ёзишлар бўлмайди. - 1 поғонаси ойна дискларни тақдим этади. Уларнинг ҳар бири ўз “аксида” такрорланиб, бошқа дискдаги маълумотларни тўла такрорлайди. - 2 поғонаси дискларнинг кетма-кет алмашишини таъминлайди ва назорат дискини ажратади. Ҳар бир амал жараёнида барча дисклардан ўқилади. - 3 поғонаси байтларнинг кетма-кет алмашишини таъминлайди ва маълумотларни қайта тиклаш учун жуфтлик дискини ажратади. Жуфтлик диски назорат суммаларини сақлайди ва айрим дискларнинг ишдан чиқиши оқибатларини бартараф қилиш имконини беради. - 4 поғонаси битларнинг кетма-кет алмашиши ва назорат суммаси билан тавсифланади. Маълумотлар дисклар бўйича тақсимланади. - 5 поғонаси маълумотлар блокларининг кетма-кет алмашишини амалга оширади ва назорат дискини ажратади. Назорат суммалари дисклар бўйича тақсимланади.
Maqoladagi xato haqida xabar berish
