Ахборот-коммуникация технологиялари изоҳли луғати
-
ингл: radio network рус: радиосеть Радиоканалларга эга бўлган симсиз тармоқ. Радиотармоқлар ҳудудий ёки локал бўлиши мумкин. Архитектурасига кўра – маълумотларни маршрутлашли тармоқлар ва маълумотларни танлашга асосланган тармоқлар фарқланади. Худди шундай, ерусти радиотармоқлар ва йўлдош алоқа тармоқлари фарқланади. Радиотармоқларнинг биринчи авлоди аналог сигналларни узатишга мўлжалланган эди. Сўнгра, узатиш сифатини ошириш ва қўлланиш соҳасини кенгайтириш мақсадида, радиотармоқларда дискрет сигналларни ишлата бошладилар. Ҳар қандай турда маълумотлар узатадиган радиотармоқлар яратиш имконияти туғилди. Радиотармоқларнинг муҳим таркибий қисми бўлиб, таянч станциялари, яъни абонент тизимлари бевосита ўзаро ишлайдиган ахборот тизимлари ҳисобланади.
Мақоладаги хато ҳақида хабар бериш
