Qor koʻchkisi (oʻrta asr lot. labina – koʻchki)

Қор кўчкиси (ўрта аср лот. labina – кўчки)

1. – qor va (yoki) muzning togʻning tik yonbagʻri boʻylab pastga tomon tez, toʻsatdan yuzaga keluvchi, odamlarning hayoti va sogʻligʻiga xavf tugʻdiruvchi, iqtisodiyot obyektlari va atrof tabiiy muhitga zarar yetkazuvchi harakati. Q.k. nishabligi 15 dan 50⁰ gacha boʻlgan daraxtsiz yonbagʻirlarda yetarlicha miqdorda qor toʻplanganda shakllanadi. Nishablikning 30-40⁰ boʻlishi eng qulay sharoit hisoblanadi. Harakat tezligi oʻrtacha 20-30 m/soniya. Eng katta tezlik 100 m/soniyagacha yetishi mumkin. Q.k. ning tushishi eng katta vayronaliklar keltirib chiqaruvchi koʻchki oldi havo toʻlqinining hosil boʻlishi bilan birga kechadi.