Псевдоним

Бирор ижодкорнинг ўзи учун танлаб олган иккинчи номи. Бадиий адабиётда жуда ҳам кўп халқларда кенг тарқалган тахаллус қўллаш анъанаси ўз характерига кўра турлича бўлади. Масалан: аллоним — бошқа шахснинг номи тарзида олинган тахаллус; анаграмма — ижодкор исмидаги ҳарфлар ўрнини алмаштириш орқали олинган тахаллус (Харитон Макентин — Атиох Кантемир); ананим — ўз исми ва фамилиясини тескарисига ўқиш тарзида олинган тахаллус (Нави Волирк — Иван Крилов), астроним — турли юлдузчалар шаклида қўйиладиган тахаллуслар; криптоним — ижодкорнинг исм ва фамилиясининг бош ҳарфларидан ёки шу мазмунни ифодаловчи исталган ҳарфлардан иборат тахаллус ва ҳ.к. Айрим шахслар фақат тахаллус билан юритилади. Масалан, В. И. Ленин — В. Улянов, Алишер Навоий — Алишер Ғиёсиддин ўғли, Стендал — Анри Бейл, М. Горкий — А. М. Пешков, Н. Шедрин — М. Е. Салтиков, Анатол Франс — Жан Анатол Тибо ва ҳ.к. Шарқ санъати ва адабиёти намояндалари, катта олимлари ўзларига турли нарсаларга ишора тарзида тахаллус олишган. Масалан, турли сифатларга нисбатан — Улуғбек (Муҳаммад Тарағай), Навоий, Лутфий, Бобир; шахснинг туғилган ва яшаган жойига нисбатан — Шарафиддин Али Яздий, Аҳмад Ал Фарғоний, Ал Хоразмий, Бадриддин Чочий, Абдураҳмон Жомий, Қобулий, Шерозий, Улойи Шоший, Камол Хўжандий; турли қуш, сайёра ёки нарсаларга нисбатан Бадриддин Ҳилолий, Кавка-, тахаллус