Переводчик.

Переводчик.

1. – Таржимон. Бир тилдаги оғзаки нутқ ёки ёзма матнни иккинчи тилга таржима қилувчи киши, мутаржим, тилмоч. Таржимон (арабча: таржима қилувчи) – бир тилдаги оғзаки нутқ ёки ёзма матнни иккинчи тилга таржима қилувчи киши, таржимачи. Оғзаки таржима таржимонликнинг ёзма таржима қадар мураккаб соҳасидир. Оғзаки ва ёзма таржима ўртасидаги фарқни гапириш ва ёзиш ўртасидаги фарққа ўхшатиш мумкин. Бу икки таржима тури билан тил билган ҳар қандай мутахассис шуғулланиши мумкин (Очилов, 2014). Лекин бадиий таржима таржимашуносликнинг энг қийин соҳаси бўлиб, бунда таржимон ижодий салоҳиятга эга бўлишидан ташқари, адабий қонуниятлардан ҳам хабардор бўлиши талаб этилади. Бадиий асарлар таржимаси билан шуғулланадиган таржимоннинг вазифаси бошқа тил муҳитида аслият ўқувчиси олган таассуротни қайта яратишдан иборат экан, ўз-ўзидан, у ижодкор сифатида майдонга чиқади. Таржимонлик – таржима қилиш, таржима иши билан шуғулланишдир. Ижросига кўра таржимонлик икки хил бўлади: оғзаки таржимонлик (турли муассасалар, сайёҳлик ташкилотларида) ва ёзма таржима билан шуғулланиш (давлат идоралари, оммавий ахборот воситалари, нашриётларда ва якка тартибда).