PAR — Bugʻ

ПАР — Буғ

1. суюқлик (ёки қаттиқ жисм)нинг газсимон ҳолати. Модданинг газ ҳолатдаги фазаси унинг суюқ (қаттиқ) ҳолатдаги фазаси билан мувозанатда бўлади. Б.нинг босими ва температураси модданинг критик ҳолатидан кам фарқланади, шунинг учун бу тушунчалар шартли қабул қилинган. Баъзан газсимон ҳолатдаги модда унинг босими ва температурасининг қийматидан қатъий назар Б. (мас., сув Б.и) ёки газ (мас., углерод икки оксиди) деб аталади. Тўйинган Б. модданинг суюқ ёки қаттиқ фазаси билан мувозанатда бўлади. Унинг хусусиятлари (зичлиги, солиштирма иссиқлик сиғими ва б.) температурага қараб аниқланади. Агар мазкур температурада Б. босими тўйинган Б. босимидан кам бўлса ўта қизиган Б. деб аталади. Паст босим ва юқори температурада Б.нинг хоссалари идеал газнинг хусусиятларига яқин бўлади.