Адабиёцҳунослик терминларининг изоҳли луғати
русча
-
— ўн бирлик, ўн бир ҳижолик. Итальян, поляк, рус ва туркий халқлар силлабик шеърий системасида кенг тарқалган ўн бир ҳижодан иборат вазнда ёзилган шеър. Бундай шеърлар мажмуига ўн бирлик туркуми дейилади. Бу туркумда цезура (қ.) баъзан бешинчи ҳижодан кейин, баъзан эса олтинчидан кейин тушади. Итальян поэзиясида ўн бирлик терцина (қ.) ҳамда октава (қ.)да ёзилган поэмаларда, баъзан эса сонетларда кенг қўлланилади. Рус шеъриятида силлабик системада Симеон Полоцкий баракали ижод этган. Туркий халқлар оғзаки ёки ёзма шеъриятида ўн бирлик кенг тарқалган вазнлардан биридир. Ритмик товланишларга бой бу вазндан ўзбек совет шоирлари муваффақият билан фойдаланиб келмоқдалар. Халқ эпик шеъриятида ўн бир ҳижоли шеър асосан персонажларнинг монологини ифодалашда қўлланади.
Мақоладаги хато ҳақида хабар бериш
