ОЧИСТКА БУРОВОГО РАСТВОРА — Бурғилаш эритмасини тозалаш

ОЧИСТКА БУРОВОГО РАСТВОРА — Бурғилаш эритмасини тозалаш

1. қудуқдан чиқаётган эритмани у олиб чиқаётган жинс зарралари ва газдан тозалаш. Қудуқ тубидан оғзи томон ҳаракатланаётган бурғилаш эритмаси унинг деворларини лойлаши, майдаланган зарраларни муаллақ ҳолда тутиб туриши ҳамда уларни ер юзасига олиб чиқиши лозим. Шу билан бирга, у бундай зарралар ва газдан осон тозаланиши, сўнгра қудуққа яна қайта ҳайдалиши керак. Агар ер юзасида бурғилаш эритмаси тозаланмаса, у қисқа вақтда майдаланган зарралар билан бойиб, бурғилашга ярамай қолади. Шунингдек, бундай эритмалар бурғилаш ускунасининг муддатидан аввал ейилиб кетишига ҳамда бурғилаш чоғида турли мураккабликлар келиб чиқишига сабабчи бўлади. Газ ва ҳавонинг бўлиши ҳам унинг хоссаларини бузади, бурғилаш кўрсаткичларини пасайтиради, гидростатик босимни камайиши ҳисобига жуда оғир мураккабликлар келтириб чиқаради. Б.э.т. учун икки хил: механик тозалаш ва марказдан қочма куч ёрдамида тозалаш қурилмалари мавжуд. Эритмаларни механик тозалашда турли ўлчамдаги элаклардан фойдаланилади, йирик зарраларни ажратишда диаметри каттароқ, майдаларини — кичикроқ элаклардан ўтказилади. Лекин қовушқоқ эритмалар майда тешикли элакдан ўтмайди, шу сабабли, марказдан қочма куч таъсирида тозалаш қурил-